Профессионал даража жиҳатидан 2011 йилнинг қиш киномавсуми фильмлари орасида лидер бўлди. Сценарийга жуда талабчан Акбар Бектурдиев, маҳоратли сценарийнавис Ёлқин Тўйчиевнинг сценарийсига мурожаат қилди. Икки профессионал ижодкорнинг ҳамкорлиги ўзининг ижобий самарасини берди. Фильмнинг сўнгги лавҳасигача томошабин сюжет ечимини кутади, актёрлар ижросидан таъсирланади, мусиқий фон сюжет динамикасини янада кучайтиради.
  «Хур қиз» детектив мелодрама - Кизидан жудо бўлган отанинг изтиробларини кузатади. Отанинг унсиз изтироб ва кўз ёшлари ҳеч бир томошабинни бефарқ қолдирмайди.
  Яна бир истеъдодли актёр Улуғбек Қодиров «Хур қиз» фильмида кичик бир эпизода кўринади. Лекин кичик эпизоддаги актёрнинг салобатли қаҳрамони томошабин ёдида қолди. Чунки айнан шу образ воқеалар ривожини кучайтиради, жумбоқлар, саволлар, иккиланишлар, гумонлар ечимини топади.